BAKom // Dansen gjennom Parken

Av EyeKnee Coordination
Eit samarbeid mellom Einy Åm Sparks og Parken kulturhus

BAKom utforskar gøymde rom og kjende flater gjennom både dans, film, musikk og installasjonskunst, og inviterer publikum med inn i ei drøymande verd som utfordrar det tradisjonelle scenebiletet og forventningar til kvar ei forestilling kan skje.

KOREOGRAFI
Einy Åm Sparks, i nært samarbeid med utøvarane

DANS & UTØVANDE KUNST
Tonje Aas Molnes
Martha Standal
Henrik Koppen

MUSIKK
Kristian Skårbrevik, original komposisjon og framføring

Musikalske bidrag:
Embla Maria | song
The Explore Ensemble (UK) | framføring
Kjetil Kristiansen | live lydmiksing

LYSINSTALLASJON
Henrik Koppen

FILMFOTOGRAFI
Tyler Sparks

Medverkande

Martha Standal

Medskapande kunstnar | Dans

Biografi

Martha Standal er utdanna ved KhiO der ho studerte ved Bachelor-programmet i klassisk ballett. Ho har sidan endt utdanning arbeida freelance som dansar, skodespelar og koreograf for musikalar og teaterforestillingar, i særleg grad ved Trøndelag teater der ho har vore årleg engasjert sidan 2008.

Martha har også arbeida ved m.a. Det Ny Teater (København), Rogaland Teater, Sogn og Fjordane teater, Nationaltheatret, Det Nye Teatret og Nye Hjorten Teater. Ho arbeidar for tida ved Riksteatret.

Tonje Aas Molnes

Medskapande kunstnar | Dans

Biografi

Tonje Aas Molnes er frilans dansekunstnar frå Ålesund. Ho er utdanna ved Bårdar Danseakademi der ho jobba som dansar, danselærar og koreograf i flere år etter endt utdanning. Ho har medverka i fleire produksjonar for kompani som The Games We Play, T.A.M Productions, Stellaris DansTeater, Inamorata Dancecompany m.m.

Det som interesserer Tonje er å leike med forskjellege stilar, uttrykk og bevegelsesmateriale. Tonje er medskapende utøvar på dei fleste prosjekt ho er involvert i. Når ho ikkje er utøvar held ho Workshops i både drill, dans, akrobatikk, håndståande og parkour i inn- og utland.

Henrik Koppen

Medskapande kunstnar | Visuell kunst, performance og dans

Biografi

Henrik Koppen (f. 1990) er ein kunstnar busett i Velsvik i Volda kommune, som jobbar med performance, skulptur, musikk og videokunst. Han er utdanna frå Kunstskolen i Rogaland og Kunsthøgskulen i Bergen.

Han er engasjert i fleire ulike samarbeidsprosjekt med andre kunstnarar og musikarar, som til dømes “Svarteboka” med Unni Løvlid og Marianne Baudouin Lie, og kunstnarduoen Koppen & Jorkjen saman med performance-kunstnaren Finn Adrian Jorkjen.

Kristian Skårbrevik

Medskapande kunstnar | Musikk

Biografi

Kristian Skårbrevik frå Ålesund er komponist og gitarist som har studert ved Noregs Musikkhøgskule og Berklee College of Music. Skårbrevik har skrive musikk for bl.a. Ålesund Strykekvartett, Audrey Riley og the Explore Ensemble. Han har spelt gitar med bl.a. Pauline Oliveros og Christian Wolff.

På BAKom har Skårbrevik utforska den historiske arkitekturen til bygget med lydinnstallasjonar med bruk av elektromagnetiske feltopptak og almanakk med gitar i samspel med dansarar og performancekunstnarar.

Tyler Sparks

Medskapande kunstnar | Filmfotografi og visuelle effekter

Biografi

Tyler Sparks er filmfotograf og motion grafikar med mange års erfaring i bransjen både i Noreg og New York, USA. Filmarbeidet hans spenner om både kunst og kommersielle oppdrag, naturfotografi og dokumentarfilm (wheelhousemedia.io).

Han har m.a. gjort oppdrag for Canon sin kampanje Project Imaginat10n med Ron Howard, kampanjar for Irish Top Models, Nike og Lexus, så vel som musikkvideoar for Ryan Hobler, Centinelz og 1 Shot Dot. Tyler stod også for filming og fargekorrigering for den prisvinnande dansefilmen Under Review: Katahdin av Kelly Aston Todd.

Han har samarbeidd med EyeKnee Coordination ved fleire anledningar, m.a. med framsyninga MONTASJAR (2021) og dokumentarfilmen Omfamne Hiroshima (2015).

Solveig Fagermo

Produsent og medskapande kunstnar | Kostymer og scenografi

Biografi

Solveig Fagermo tok i 1999 hovudfag ved Kunsthøgskulen i Oslo, Institutt for Metall og ho har sidan då delteke på ei rekke utstillingar i inn- og utland. Kunstnaren Solveig Fagermo arbeidar konseptuelt frå ein miljøpolitisk ståstad, og ho blandar gjerne ny teknologi med gamle tradisjonar. Arbeida hennar drøftar ofte dilemma i ein poetisk eller humoristisk karakter.

Solveig var ansatt som produsent i Parken kulturhus i Ålesund 2017 - 2023, ved sida av arbeidet med utstillingsprosjekt og konseptdesignoppdrag. I tillegg har ho drivet showroomet Fru Bastard der ho selde sine eigne designa og redesigna kle og objekt frå 2005 til 2012.

Einy Åm Sparks

Koreograf, regissør og filmklipper

Biografi

Einy Åm Sparks er skapande og utøvande dansekunstnar og har produsert og turnert fleire framsyningar både nasjonalt og internasjonalt. Som ei forlenging av dansekunsten arbeider Einy også med film og redigering, innanfor både dansefilm, dokumentarfilm og oppdragsfilm.

Einy er oppvaksen i Volda, utdanna ved London Contemporary Dance School og California Institute of the Arts, og har lang erfaring som dansar i New York for fleire koreografar og dansekompani. I 2011 oppretta ho EyeKnee Coordination, der ho er spesielt interessert i å utforske kva som skjer i møtet mellom ulike kunstartar og lokasjonar, med fokus på dans, film og musikk. Einy var mottakar av Statens kunstnarstipend (scenekunst) i 2021 og 2022 og Møre og Romsdal fylkeskommune sitt kunstnarstipend i 2020 og 2022. (www.EyeKneeCoordination.org)

Prosjektet er støtta av:

Takk til:

Ruta Habte Mengstaeb for lån av reinhaldsutstyr
Christoffer Svendsen for praktisk bistand med stort og smått
Solveig Styve Holte for bidrag til idéutvikling
Leiinga og tilsette ved Parken kulturhus for godt samarbeid!

Sist endra 30.06.2023 09.20

Medverkande

Martha Standal

Tonje Aas Molnes

Henrik Koppen

Kristian Skårbrevik

Tyler Sparks

Solveig Fagermo

Einy Åm Sparks

Artikkelliste